GTA (Grand Theft Auto) ki fan community kaafi zyada naraaz hai ek Twitter account se — Zap Actu GTA6 — ki wajah se, jisme AI se banaye gaye fake GTA 6 ke videos post kiye gaye. Warning dene ke bawajood fir bhi un clips ko kiya upload sirf ek din me lagbhag 8 million views hasil kar liye. Yeh hype isliye bhi bani kyunki Rockstar ke fans GTA 6 ke gameplay reveal ke naam par kaafi excited ho gaye the, aur unhe laga ki yeh asli leaked footage hai.
Account ke owner ko jab zabardast criticism mila, to usne apne account ka naam badal kar “Actuzz MAG “rakh diya aur fake expectations felane ke liye maafi bhi maangi. Unhone kaha, “Sorry agar maine logon ko kuch aisa believe kara diya jo sach nahi tha. maanta hoon ki maine iske baare me theek se socha nahi.” Yeh unhone disappointed followers ko reply me likha. Lekin galti accept karne ke baad bhi, account abhi bhi speculative content share kar raha hai.
Yeh poori story fans ke beech kaafi tezi se spread hui, aur zyadatar logon ko lag raha hai ki unke trust ke saath khela ja raha hai. Isi frustration ki wajah se account ko lekar kaafi backlash bhi badhta ja raha hai, aur overall community me kaafi gussa dekhne ko mil raha hai. Yeh situation ek baar phir dikhne ko mili hai GTA 6 jaise highly-awaited game ke sath. Gta 6 fans ke liye fiction aur reality ke beech ka line kitni jaldi blur ho jati hai, khas kar jab sab log kisi bhi new update ka besabri se intezaar kar rahe ho.
📰 GTA 6: A Snow-Covered Vice City for Christmas 2026? A Winter DLC Fans Are Already Dreaming Of ❄️🌴
— Zap Actu GTA6 (@zapactugta6) November 26, 2025
As the 2026 holiday season approaches, a growing theory within the community suggests that Rockstar could introduce a seasonal winter DLC for GTA 6, bringing snowfall to Vice… pic.twitter.com/fI7u440Xnc
Rockstar ke co-founder Dan Houser ne hamesha yeh point out kiya hai ki GTA ki popularity ka asli raaz uska “sense of freedom” hai — ek aisi feeling jo alag-alag game genres ko smartly mix karke create ki gayi hai. Saalon se GTA series isi unique blend par grow karti aayi hai.
Ab is poore chaos ke beech fans aur bhi bechain ho gaye hain, aur sabhi Rockstar ki taraf se kisi official update ka intezaar kar rahe hain, taaki GTA 6 ke future aur chal rahi rumors par thoda clarity mil sake.
